alag hain hum ki juda apni rah-guzar mein hain
alag haiñ ham ki judā apnī rah-guzar meñ haiñ
vagarna log to saare isī safar meñ haiñ
hamārī jast ne māzūl kar diyā ham ko
ham apnī vus.atoñ meñ apne baam o dar meñ haiñ
yahāñ se un ke guzarne kā ek mausam hai
ye log rahte magar kaun se nagar meñ haiñ
jo dar-ba-dar ho vo kaise sambhāl saktā hai
tirī amānateñ jitnī haiñ mere ghar meñ haiñ
ajiib tarah kā rishta hai pāniyoñ se 'malāl'
judā judā sahī sab ek hī bhañvar meñ haiñ
alag hain hum ki juda apni rah-guzar mein hain
wagarna log to sare isi safar mein hain
hamari jast ne mazul kar diya hum ko
hum apni wusaton mein apne baam o dar mein hain
yahan se un ke guzarne ka ek mausam hai
ye log rahte magar kaun se nagar mein hain
jo dar-ba-dar ho wo kaise sambhaal sakta hai
teri amanaten jitni hain mere ghar mein hain
ajib tarah ka rishta hai paniyon se 'malal'
juda juda sahi sab ek hi bhanwar mein hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
