alam dil se nikal jae to shayad nind aa jae

alam dil se nikal jaa.e to shāyad niiñd aa jaa.e

dil-e-nādāñ bahal jaa.e to shāyad niiñd aa jaa.e

paḌī hai kab se jaane zindagī bas ek hī karvaT

agar pahlū badal jaa.e to shāyad niiñd aa jaa.e

tumhārī diid kī chāhat meñ takte haiñ qamar shab-bhar

mirī fitrat badal jaa.e to shāyad niiñd aa jaa.e

machal uThtī hai shab kī bāñhoñ meñ aate hī har chāhat

agar hasrat sañbhal jaa.e to shāyad niiñd aa jaa.e

abhī to shab javāñ hai aarzū bhī hai javāñ ab tak

zarā sī raat Dhal jaa.e to shāyad niiñd aa jaa.e

huī muddat mujhe to chain se so.e hue yaaro

badan se jaañ nikal jaa.e to shāyad niiñd aa jaa.e

alam dil se nikal jae to shayad nind aa jae

dil-e-nadan bahal jae to shayad nind aa jae

paDi hai kab se jaane zindagi bas ek hi karwaT

agar pahlu badal jae to shayad nind aa jae

tumhaari did ki chahat mein takte hain qamar shab-bhar

meri fitrat badal jae to shayad nind aa jae

machal uThti hai shab ki banhon mein aate hi har chahat

agar hasrat sanbhal jae to shayad nind aa jae

abhi to shab jawan hai aarzu bhi hai jawan ab tak

zara si raat Dhal jae to shayad nind aa jae

hui muddat mujhe to chain se soe hue yaro

badan se jaan nikal jae to shayad nind aa jae