alam hai soz hai yaaden hain gham hai wahshat hai

alam hai soz hai yādeñ haiñ ġham hai vahshat hai

mire nasīb meñ jo kuchh bhī hai ġhanīmat hai

jis anjuman meñ uThe uTh ke qatl-e-ām kare

nigāh-e-nāz kā uThnā bhī ik qayāmat hai

ye aur baat ki hai husn-e-ġham se begāna

hayāt-e-ishq magar husn kī badaulat hai

zabāñ se apnī to dīvāna kuchh nahīñ kahtā

zamāna dekh ke sūrat ko mahv-e-hairat hai

daġhā fareb hasad jhuuT aur makkārī

jafā ke daur meñ insāñ kī ye hī fitrat hai

tamām umr na hogī ḳhirad-navāzoñ kī

mire junūñ kī zamāne meñ jitnī shohrat hai

vo sāmne ho nazar ke vo arz-e-hāl kare

bahut dinoñ se ye 'ādil' ke dil meñ hasrat hai

alam hai soz hai yaaden hain gham hai wahshat hai

mere nasib mein jo kuchh bhi hai ghanimat hai

jis anjuman mein uThe uTh ke qatl-e-am kare

nigah-e-naz ka uThna bhi ek qayamat hai

ye aur baat ki hai husn-e-gham se begana

hayat-e-ishq magar husn ki badaulat hai

zaban se apni to diwana kuchh nahin kahta

zamana dekh ke surat ko mahw-e-hairat hai

dagha fareb hasad jhuT aur makkari

jafa ke daur mein insan ki ye hi fitrat hai

tamam umr na hogi KHirad-nawazon ki

mere junun ki zamane mein jitni shohrat hai

wo samne ho nazar ke wo arz-e-haal kare

bahut dinon se ye 'adil' ke dil mein hasrat hai