alam maal agar hai to phir KHushi kya hai

alam ma.aal agar hai to phir ḳhushī kyā hai

koī sazā hai gunāhoñ kī zindagī kyā hai

hameñ vo yuuñ bhī bil-āḳhir miTā.eñge yuuñ bhī

sitam ke ba.ad karam bhī to hai abhī kyā hai

nizām-e-bazm-e-do-ālam hai intishār-āgīñ

nigāh-e-dost meñ āsār-e-barhamī kyā hai

kisī maqām pe bhī mutma.in nahīñ nazreñ

ziyāñ hai zauq-e-tajassus kā āgahī kyā hai

namāz-e-ishq jo shāmil nahīñ ibādat meñ

fareb-e-kufr sarāsar hai bandagī kyā hai

badal ga.ī na agar bāġhbāñ kī niyyat hī

chaman kā rañg badalne meñ der hī kyā hai

guzar ga.ī hai shab-e-ġham yaqīñ nahīñ aatā

sahar numūd nahīñ hai to raushnī kyā hai

matā-e-husn-e-do-ālam se bhī sivā kahiye

qamar-jamāl hai tasvīr aap kī kyā hai

jo sehr-e-husn kī tāsīr kā nahīñ qaa.il

tirī nazar se vo pūchhe ki sāhirī kyā hai

kisī kā husn kahāñ apnā zauq-e-dīd kahāñ

kisī ke jalvoñ se nazroñ kī hamsarī kyā hai

qadam qadam pe diyā hai fareb rahbar ne

jo rahbarī use kahiye to rahzanī kyā hai

hamāre dil pe uchaTtī nazar hī Daal kahīñ

tujhe ḳhabar to chale soz-e-āshiqī kyā hai

hamīñ ne dil meñ jagah dī hameñ pe mashq-e-sitam

ye dostī hai to ai dost dushmanī kyā hai

bahār aa.ī hai ab aap bhī chale aa.eñ

bahār ko bhī ḳhabar ho shaguftagī kyā hai

vafā kā naam baḌā ho to ho 'rishī' varna

jafā-e-dost meñ bhī lutf kī kamī kyā hai

alam maal agar hai to phir KHushi kya hai

koi saza hai gunahon ki zindagi kya hai

hamein wo yun bhi bil-aKHir miTaenge yun bhi

sitam ke baad karam bhi to hai abhi kya hai

nizam-e-bazm-e-do-alam hai intishaar-agin

nigah-e-dost mein aasar-e-barhami kya hai

kisi maqam pe bhi mutmain nahin nazren

ziyan hai zauq-e-tajassus ka aagahi kya hai

namaz-e-ishq jo shamil nahin ibaadat mein

fareb-e-kufr sarasar hai bandagi kya hai

badal gai na agar baghban ki niyyat hi

chaman ka rang badalne mein der hi kya hai

guzar gai hai shab-e-gham yaqin nahin aata

sahar numud nahin hai to raushni kya hai

mata-e-husn-e-do-alam se bhi siwa kahiye

qamar-jamal hai taswir aap ki kya hai

jo sehr-e-husn ki tasir ka nahin qail

teri nazar se wo puchhe ki sahiri kya hai

kisi ka husn kahan apna zauq-e-did kahan

kisi ke jalwon se nazron ki hamsari kya hai

qadam qadam pe diya hai fareb rahbar ne

jo rahbari use kahiye to rahzani kya hai

hamare dil pe uchaTti nazar hi Dal kahin

tujhe KHabar to chale soz-e-ashiqi kya hai

hamin ne dil mein jagah di hamein pe mashq-e-sitam

ye dosti hai to ai dost dushmani kya hai

bahaar aai hai ab aap bhi chale aaen

bahaar ko bhi KHabar ho shaguftagi kya hai

wafa ka nam baDa ho to ho 'rishi' warna

jafa-e-dost mein bhi lutf ki kami kya hai