allah allah wasl ki shab is qadar eajaz hai

allāh allāh vasl kī shab is qadar e.ajāz hai

ek zarā sī chiiz hai us par bhī itnā naaz hai

ḳhair ho yārab ke husn-o-ishq kā āġhāz hai

is taraf dil hai udhar susarī nigāh-e-nāz hai

jab bahār aa.ī mue pinjre chaman ko uḌ gayā

is musībat par bhī itnī quvvat-e-parvāz hai

chhuT ga.iiñ nabzeñ hue lab band putlī phir ga.iiñ

aur vo mardūd kahtā hai ki ye dam-bāz hai

ġhair ne mujh ko satā kar jail kī khaa.ī havā

ye na samjhā thā ki us kā laTTh be-āvāz hai

jab kahā us ne ki uTh be-jhaT maiñ zinda ho gayā

baat kī to baat hai e.ajāz kā e.ajāz hai

toḌ kar badnām tum dil ko mire ho jāoge

is meñ poshīda mohabbat kā tumhārī raaz hai

ġhair ko laa.e haiñ mere ghar vo ma.e bistare

bhed is meñ bhī koī us meñ bhī koī raaz hai

ishq meñ paidā nahīñ hotā hai sasūrā inqalāb

husn de jaatā hai dhoka husn dhoka-bāz hai

ab koī din bhī buḌhāpā Thokareñ khilvā.egā

husn hai chand roza jis pe tum ko naaz hai

noch kar mere paroñ ko kar diyā hai DanD-manD

ab na qavve hai na mujh meñ tāqat-e-parvāz hai

vasl kī shab chār-dam chhalle bhī un ke saath haiñ

ya.anī shoḳhī hai sharārat hai hayā hai naaz hai

ġhair kī kuchh haisiyat bhī aap ko ma.alūm hai

ḳhud hai chaukīdār baada us kā barfandāz hai

merī fariyād-o-fuġhāñ sun kar harāmī ne kahā

ye usī ullū-ke-paTThe 'būm' kī āvāz hai

allah allah wasl ki shab is qadar eajaz hai

ek zara si chiz hai us par bhi itna naz hai

KHair ho yarab ke husn-o-ishq ka aaghaz hai

is taraf dil hai udhar susari nigah-e-naz hai

jab bahaar aai mue pinjre chaman ko uD gaya

is musibat par bhi itni quwwat-e-parwaz hai

chhuT gain nabzen hue lab band putli phir gain

aur wo mardud kahta hai ki ye dam-baz hai

ghair ne mujh ko sata kar jail ki khai hawa

ye na samjha tha ki us ka laTTh be-awaz hai

jab kaha us ne ki uTh be-jhaT main zinda ho gaya

baat ki to baat hai eajaz ka eajaz hai

toD kar badnam tum dil ko mere ho jaoge

is mein poshida mohabbat ka tumhaari raaz hai

ghair ko lae hain mere ghar wo mae bistare

bhed is mein bhi koi us mein bhi koi raaz hai

ishq mein paida nahin hota hai sasura inqalab

husn de jata hai dhoka husn dhoka-baz hai

ab koi din bhi buDhapa Thokaren khilwaega

husn hai chand roza jis pe tum ko naz hai

noch kar mere paron ko kar diya hai DanD-manD

ab na qawwe hai na mujh mein taqat-e-parwaz hai

wasl ki shab chaar-dam chhalle bhi un ke sath hain

yani shoKHi hai shararat hai haya hai naz hai

ghair ki kuchh haisiyat bhi aap ko malum hai

KHud hai chaukidar baada us ka barfandaz hai

meri fariyaad-o-fughan sun kar harami ne kaha

ye usi ullu-ke-paTThe 'bum' ki aawaz hai