allah re ye garmi-e-bazar-e-mohabbat

allāh re ye garmī-e-bāzār-e-mohabbat

ḳhud husn-e-azal bhī hai ḳharīdār-e-mohabbat

ye qalb kahāñ aur kahāñ bār-e-mohabbat

kyā aur na thā koī sazā-vār-e-mohabbat

dil yūñhī rahegā jo ziyā-bār-e-mohabbat

chhā jā.eñge kaunain pe anvār-e-mohabbat

duniyā se ġharaz us ko na kuchh diin se matlab

āzād-e-do-ālam hai giraftār-e-mohabbat

saaqī tirī in mast nigāhoñ kī qasam ab

apne se bhī begāna hai sarshār-e-mohabbat

jannat bhī pareshāñ hai jahannum bhī hai larzāñ

vo barq hai ye āh-e-sharar-bār-e-mohabbat

kuchh ashk ke qatre haiñ kuchh uljhī huī sāñseñ

mohtāj-e-karam ab nahīñ bīmār-e-mohabbat

ik ātish-e-ḳhāmosh hai kaliyoñ kā tabassum

sad-nār ba-āġhosh hai gulzār-e-mohabbat

vo vaqt bhī aa.egā kabhī daur-e-zamāna

ḳhud aarzū ho jā.egī jab bār-e-mohabbat

ik sho.ala-e-betāb hai har barq-e-tajallī

kyā husn ke parde meñ haiñ anvār-e-mohabbat

ye gardish-e-daurāñ hai nigāhoñ ke ishāre

vābasta-e-qismat nahīñ sarkār-e-mohabbat

be-tāb huī jaatī haiñ ḳhud husn kī nazreñ

kyā sehr hai ye chashm-e-nigūñ-sār-e-mohabbat

us chashm-e-pashemāñ kī haiñ dāman pe nigāheñ

bas bas are o dīda-e-ḳhūñ-bār-e-mohabbat

ye zardī-e-ruḳh dīda-e-tar nāla-e-paiham

kis muñh se kare ab koī inkār-e-mohabbat

ik aarzū kyā ḳhaak meñ duniyā ko milā deñ

dekhe haiñ kahāñ aap ne ḳhuddār-e-mohabbat

har añkh 'munīr' us ko jagah detī hai dil meñ

ḳhud husn kī nazreñ haiñ parastār-e-mohabbat

allah re ye garmi-e-bazar-e-mohabbat

KHud husn-e-azal bhi hai KHaridar-e-mohabbat

ye qalb kahan aur kahan bar-e-mohabbat

kya aur na tha koi saza-war-e-mohabbat

dil yunhi rahega jo ziya-bar-e-mohabbat

chha jaenge kaunain pe anwar-e-mohabbat

duniya se gharaz us ko na kuchh din se matlab

aazad-e-do-alam hai giraftar-e-mohabbat

saqi teri in mast nigahon ki qasam ab

apne se bhi begana hai sarshaar-e-mohabbat

jannat bhi pareshan hai jahannum bhi hai larzan

wo barq hai ye aah-e-sharar-bar-e-mohabbat

kuchh ashk ke qatre hain kuchh uljhi hui sansen

mohtaj-e-karam ab nahin bimar-e-mohabbat

ek aatish-e-KHamosh hai kaliyon ka tabassum

sad-nar ba-aghosh hai gulzar-e-mohabbat

wo waqt bhi aaega kabhi daur-e-zamana

KHud aarzu ho jaegi jab bar-e-mohabbat

ek shoala-e-betab hai har barq-e-tajalli

kya husn ke parde mein hain anwar-e-mohabbat

ye gardish-e-dauran hai nigahon ke ishaare

wabasta-e-qismat nahin sarkar-e-mohabbat

be-tab hui jati hain KHud husn ki nazren

kya sehr hai ye chashm-e-nigun-sar-e-mohabbat

us chashm-e-pasheman ki hain daman pe nigahen

bas bas are o dida-e-KHun-bar-e-mohabbat

ye zardi-e-ruKH dida-e-tar nala-e-paiham

kis munh se kare ab koi inkar-e-mohabbat

ek aarzu kya KHak mein duniya ko mila den

dekhe hain kahan aap ne KHuddar-e-mohabbat

har ankh 'munir' us ko jagah deti hai dil mein

KHud husn ki nazren hain parastar-e-mohabbat