an-ginat azab hain ratjagon ke darmiyan

an-ginat azaab haiñ ratjagoñ ke darmiyāñ

dard be-hisāb haiñ ratjagoñ ke darmiyāñ

ban chukā hai dil savāl ab kisī ke hijr meñ

is pe lā-javāb haiñ ratjagoñ ke darmiyāñ

ashk rok rok ab shal hue haiñ hausle

har samay itaab haiñ ratjagoñ ke darmiyāñ

kaash vo mile kahīñ to batā.ūñ maiñ use

kis qadar sarāb haiñ ratjagoñ ke darmiyāñ

sau charāġh jal bujhe tīrgī na kam huī

mustaqil hijāb haiñ ratjagoñ ke darmiyāñ

kyā batā.ūñ haal maiñ us ko apne dard kā

vahshatoñ ke baab haiñ ratjagoñ ke darmiyāñ

vo jinheñ ḳhabar nahīñ qalb-e-nā-subūr kī

chār-sū janāb haiñ ratjagoñ ke darmiyāñ

ek ġham chalā gayā dūsre ne aa liyā

silsile shitāb haiñ ratjagoñ ke darmiyāñ

rakh-rakhāv meñ sadā rah ke aaj tak yahāñ

hālateñ ḳharāb haiñ ratjagoñ ke darmiyāñ

zindagī kī dauḌ meñ pichhlī rut ke ḳhvāb sab

ab bhī ham-rikāb haiñ ratjagoñ ke darmiyāñ

aaj ye khulā 'safī' jaañ ke aur ġham ka.ī

shāmil-e-nisāb haiñ ratjagoñ ke darmiyāñ

an-ginat azab hain ratjagon ke darmiyan

dard be-hisab hain ratjagon ke darmiyan

ban chuka hai dil sawal ab kisi ke hijr mein

is pe la-jawab hain ratjagon ke darmiyan

ashk rok rok ab shal hue hain hausle

har samay itab hain ratjagon ke darmiyan

kash wo mile kahin to bataun main use

kis qadar sarab hain ratjagon ke darmiyan

sau charagh jal bujhe tirgi na kam hui

mustaqil hijab hain ratjagon ke darmiyan

kya bataun haal main us ko apne dard ka

wahshaton ke bab hain ratjagon ke darmiyan

wo jinhen KHabar nahin qalb-e-na-subur ki

chaar-su janab hain ratjagon ke darmiyan

ek gham chala gaya dusre ne aa liya

silsile shitab hain ratjagon ke darmiyan

rakh-rakhaw mein sada rah ke aaj tak yahan

haalaten KHarab hain ratjagon ke darmiyan

zindagi ki dauD mein pichhli rut ke KHwab sab

ab bhi ham-rikab hain ratjagon ke darmiyan

aaj ye khula 'safi' jaan ke aur gham kai

shamil-e-nisab hain ratjagon ke darmiyan