ana se dekho kitna bhar gae hain

anā se dekho kitnā bhar ga.e haiñ

to kyā ham zindagī se Dar ga.e haiñ

mire andar liyā karte haiñ sāñseñ

vo saare log jo ab mar ga.e haiñ

ham ab jaa.eñ yahāñ se bhī to kaise

abhī aate haiñ vo kah kar ga.e haiñ

abhī mumkin nahīñ milnā ḳhudā se

abhī to shaiḳh sāhab ghar ga.e haiñ

tumheñ parhez hai to mat karo ishq

jinheñ karnā thā vo to kar ga.e haiñ

ana se dekho kitna bhar gae hain

to kya hum zindagi se Dar gae hain

mere andar liya karte hain sansen

wo sare log jo ab mar gae hain

hum ab jaen yahan se bhi to kaise

abhi aate hain wo kah kar gae hain

abhi mumkin nahin milna KHuda se

abhi to shaiKH sahab ghar gae hain

tumhein parhez hai to mat karo ishq

jinhen karna tha wo to kar gae hain