ananiyat ne kiya etiraf mere sath

anāniyat ne kiyā e'tirāf mere saath

ḳhudī kā yā'nī rahā iḳhtilāf mere saath

ye jism farz nibhātā rahā bahar-sūrat

so dil bhī karne lagā inhirāf mere saath

ye dil thā yā ki sanam-ḳhāna-e-majāz-e-jahāñ

kiyā ye kis ne haram kā tavāf mere saath

vo shaḳhs jis kī himāyat pe ham rahe nāzāñ

vo ibtidā se thā mere ḳhilāf mere saath

ye hast buud meñ badle to ġham se jaañ chhūTe

yahī ajal ne kiyā inkishāf mere saath

kabhī bhī zāhir-o-bātin meñ koī farq na ho

mire ḳhudā na ho koī ġhilāf mere saath

ye kyā ki aap tazabzub meñ Duube rahte haiñ

kalām kyoñ nahīñ karte haiñ saaf mere saath

tumhārī charb-zabānī se kuchh nahīñ hāsil

'zahīr' aao karo ai'takāf mere saath

ananiyat ne kiya e'tiraf mere sath

KHudi ka ya'ni raha iKHtilaf mere sath

ye jism farz nibhata raha bahar-surat

so dil bhi karne laga inhiraf mere sath

ye dil tha ya ki sanam-KHana-e-majaz-e-jahan

kiya ye kis ne haram ka tawaf mere sath

wo shaKHs jis ki himayat pe hum rahe nazan

wo ibtida se tha mere KHilaf mere sath

ye hast bud mein badle to gham se jaan chhuTe

yahi ajal ne kiya inkishaf mere sath

kabhi bhi zahir-o-baatin mein koi farq na ho

mere KHuda na ho koi ghilaf mere sath

ye kya ki aap tazabzub mein Dube rahte hain

kalam kyon nahin karte hain saf mere sath

tumhaari charb-zabani se kuchh nahin hasil

'zahir' aao karo ai'takaf mere sath