andesha-ha-e-roz-e-mukafat aur main

andesha-hā-e-roz-e-mukāfāt aur maiñ

is dil ke be-shumār savālāt aur maiñ

ḳhalq-e-ḳhudā pe ḳhalq-e-ḳhudā kī ye dār-o-gīr

hairāñ ḳhudā-e-arz-o-samāvāt aur maiñ

kyā thī ḳhushī aur us kī thī kyā qīmat-e-ḳharīd

ab rah ga.e haiñ aise hisābāt aur maiñ

har lahza zindagī kī ināyāt aur vo

har lamha ek marg-e-mufājāt aur maiñ

pahle sadāqatoñ ke vo parchār aur dil

ab qaul-o-fe.al ke ye tazādāt aur maiñ

hārūñgī maiñ hī mujh ko ye vahm-o-gumāñ na thā

aapas meñ jab harīf the hālāt aur maiñ

hamrāz-o-ham-suḳhan thā magar is ke bāvajūd

Takrā.e mere dil ke mafādāt aur maiñ

andesha-ha-e-roz-e-mukafat aur main

is dil ke be-shumar sawalat aur main

KHalq-e-KHuda pe KHalq-e-KHuda ki ye dar-o-gir

hairan KHuda-e-arz-o-samawat aur main

kya thi KHushi aur us ki thi kya qimat-e-KHarid

ab rah gae hain aise hisabaat aur main

har lahza zindagi ki inayat aur wo

har lamha ek marg-e-mufajat aur main

pahle sadaqaton ke wo parchaar aur dil

ab qaul-o-feal ke ye tazadat aur main

haarungi main hi mujh ko ye wahm-o-guman na tha

aapas mein jab harif the haalat aur main

hamraaz-o-ham-suKHan tha magar is ke bawajud

Takrae mere dil ke mafadat aur main