andheri shab diya jugnu qamar nain

añdherī shab diyā jugnū qamar na.iñ

safar meñ ab koī bhī ham-safar na.iñ

ham aise band kamroñ ke makīñ haiñ

jahāñ taaza havāoñ kā guzar na.iñ

ḳhushāmad chāplūsī jhuuT ġhībat

hamāre paas to koī hunar na.iñ

jo ġhurbat ke añdheroñ meñ pale haiñ

na.ī tahzīb kā un par asar na.iñ

ajab mausam milā hai zindagī ko

na.ī rut hai daraḳhtoñ par samar na.iñ

sabab apnī hazīmat ke ka.ī the

bas ik tanhā bahādur-shah-zafar na.iñ

ye kis jānib safar tum kar rahe ho

ab āñkhoñ meñ umīdoñ kā nagar na.iñ

guzarne kā udhar se lutf hī kyā

jidhar maujeñ talātum aur bhañvar na.iñ

us aane vaale kal kā kyā bharosa

jin agle chand lamhoñ kī ḳhabar na.iñ

koī ik raat hī meñ ḳhatm kar le

maiñ qissa is qadar bhī muḳhtasar na.iñ

jise 'ruḳhsār' ab maiñ sah rahā huuñ

musalsal ik aziyyat hai safar na.iñ

andheri shab diya jugnu qamar nain

safar mein ab koi bhi ham-safar nain

hum aise band kamron ke makin hain

jahan taza hawaon ka guzar nain

KHushamad chaplusi jhuT ghibat

hamare pas to koi hunar nain

jo ghurbat ke andheron mein pale hain

nai tahzib ka un par asar nain

ajab mausam mila hai zindagi ko

nai rut hai daraKHton par samar nain

sabab apni hazimat ke kai the

bas ek tanha bahadur-shah-zafar nain

ye kis jaanib safar tum kar rahe ho

ab aankhon mein umidon ka nagar nain

guzarne ka udhar se lutf hi kya

jidhar maujen talatum aur bhanwar nain

us aane wale kal ka kya bharosa

jin agle chand lamhon ki KHabar nain

koi ek raat hi mein KHatm kar le

main qissa is qadar bhi muKHtasar nain

jise 'ruKHsar' ab main sah raha hun

musalsal ek aziyyat hai safar nain