anwar-shuur din mein kahin raat mein kahin

'anvar-shu.ūr' din meñ kahīñ raat meñ kahīñ

rahtā hai ḳhvār shahr-e-ḳharābāt meñ kahīñ

aa.e hazār baar bulāne ke ba.ad aur

gum ho ga.e vo apne ḳhayālāt meñ kahīñ

mumkin hai bāda-ḳhāne ga.e hoñ janāb-e-shaiḳh

ghar se nikal ga.e haiñ vo barsāt meñ kahīñ

ham muntazir haiñ aur bhulā.e hue haiñ vo

kyā guftugū huī thī mulāqāt meñ kahīñ

milte haiñ roz baar meñ ham asr-tā-ishā

jaate nahīñ vahāñ se in auqāt meñ kahīñ

go saḳht nāgavār hai ghar baiThnā hameñ

kyā jaa.eñ is ḳharābī-e-hālāt meñ kahīñ

'anwar-shuur' din mein kahin raat mein kahin

rahta hai KHwar shahr-e-KHarabaat mein kahin

aae hazar bar bulane ke baad aur

gum ho gae wo apne KHayalat mein kahin

mumkin hai baada-KHane gae hon janab-e-shaiKH

ghar se nikal gae hain wo barsat mein kahin

hum muntazir hain aur bhulae hue hain wo

kya guftugu hui thi mulaqat mein kahin

milte hain roz bar mein hum asr-ta-isha

jate nahin wahan se in auqat mein kahin

go saKHt nagawar hai ghar baiThna hamein

kya jaen is KHarabi-e-haalat mein kahin