apna apna dukh batlana hota hai
apnā apnā dukh batlānā hotā hai
miTTī se tasvīr meñ aanā hotā hai
merī sub.h zarā kuchh der se hotī hai
mujhe kisī ko ḳhvāb sunānā hotā hai
na.e na.e manzar kā hissa bantā huuñ
jaise jaise jism purānā hotā hai
ik chiḌiyā mujh se bhī pahle uThtī hai
jaise us ko daftar jaanā hotā hai
yaar kitābeñ kitnī jhūTī hotī haiñ
in meñ koī aur zamāna hotā hai
ghar ke andar itnī galiyāñ paḌtī haiñ
kabhī-kabhār hī bāhar jaanā hotā hai
apna apna dukh batlana hota hai
miTTi se taswir mein aana hota hai
meri subh zara kuchh der se hoti hai
mujhe kisi ko KHwab sunana hota hai
nae nae manzar ka hissa banta hun
jaise jaise jism purana hota hai
ek chiDiya mujh se bhi pahle uThti hai
jaise us ko daftar jaana hota hai
yar kitaben kitni jhuTi hoti hain
in mein koi aur zamana hota hai
ghar ke andar itni galiyan paDti hain
kabhi-kabhaar hi bahar jaana hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
