apna duniya se safar Thahra hai

apnā duniyā se safar Thahrā hai

gosha-e-qabr meñ ghar Thahrā hai

hijr meñ ziist ko kahte haiñ maut

naf.a kā naam zarar Thahrā hai

dil mirā us kā taraf-dār huā

jo idhar thā vo udhar Thahrā hai

aur andher huā chāhtā hai

surma manzūr-e-nazar Thahrā hai

likh havā-o-havas-e-vasl ai dil

qāsid-e-bād-e-sabā Thahrā hai

dekheñ donoñ meñ havā kis kī bañdhe

abr ai dīda-e-tar Thahrā hai

ghar jo us mah kā banā hai ai 'mehr'

dil mirā māh-e-nigar Thahrā hai

apna duniya se safar Thahra hai

gosha-e-qabr mein ghar Thahra hai

hijr mein zist ko kahte hain maut

nafa ka nam zarar Thahra hai

dil mera us ka taraf-dar hua

jo idhar tha wo udhar Thahra hai

aur andher hua chahta hai

surma manzur-e-nazar Thahra hai

likh hawa-o-hawas-e-wasl ai dil

qasid-e-baad-e-saba Thahra hai

dekhen donon mein hawa kis ki bandhe

abr ai dida-e-tar Thahra hai

ghar jo us mah ka bana hai ai 'mehr'

dil mera mah-e-nigar Thahra hai