apna hi shikwa apna gila hai

apnā hī shikva apnā gilā hai

ahl-e-vafā ko kyā ho gayā hai

ham jaise sarkash bhī ro diye haiñ

ab ke kuchh aisā ġham aa paḌā hai

dil kā chaman hai murjhā na jaa.e

ye āñsuoñ se sīñchā gayā hai

haañ fasl-e-gul meñ rindoñ ko saaqī

apnā lahū bhī piinā paḌā hai

ye dard yuuñ bhī thā jān-levā

kuchh aur bhī ab ke baḌhtā chalā hai

bas ek va.ada kam-baḳht vo bhī

mar mar ke jiinā sikhlā gayā hai

jurm-e-mohabbat mujh tak hī rahtā

un kā bhī dāman uljhā huā hai

ik umr guzrī hai raah takte

jiine kī shāyad ye bhī sazā hai

dil sard ho kar hī rah na jaa.e

ab ke kuchh aisī ThanDī havā hai

apna hi shikwa apna gila hai

ahl-e-wafa ko kya ho gaya hai

hum jaise sarkash bhi ro diye hain

ab ke kuchh aisa gham aa paDa hai

dil ka chaman hai murjha na jae

ye aansuon se sincha gaya hai

han fasl-e-gul mein rindon ko saqi

apna lahu bhi pina paDa hai

ye dard yun bhi tha jaan-lewa

kuchh aur bhi ab ke baDhta chala hai

bas ek wada kam-baKHt wo bhi

mar mar ke jina sikhla gaya hai

jurm-e-mohabbat mujh tak hi rahta

un ka bhi daman uljha hua hai

ek umr guzri hai rah takte

jine ki shayad ye bhi saza hai

dil sard ho kar hi rah na jae

ab ke kuchh aisi ThanDi hawa hai