apna jahan mein rahna hai yaadgar rahna

apnā jahāñ meñ rahnā hai yādgār rahnā

mushkil thā apne ghar meñ begāna-vār rahnā

ai maut rahm kar ab ye koī zindagī hai

nazroñ se apnī gir kar duniyā pe baar rahnā

hāthoñ pe sar ko rakkhe har rind kah rahā hai

be-kaif rahne hī tak thā be-ḳhumār rahnā

kis tarah maiñ ne maanā ai iḳhtiyār vaale

mayyat ke misl apnā be-iḳhtiyār rahnā

rangīniyoñ ne kis kī sikhlā diyā hai gul ko

jab tak chaman meñ rahnā ban kar bahār rahnā

hastī ke qāfile ko us rāhzan ne luuTā

kahtā thā raah bhar jo haañ hoshiyār rahnā

'beḳhud' kī zindagī kī ye bhī koī tarah thī

be-iḳhtiyār aanā be-iḳhtiyār rahnā

apna jahan mein rahna hai yaadgar rahna

mushkil tha apne ghar mein begana-war rahna

ai maut rahm kar ab ye koi zindagi hai

nazron se apni gir kar duniya pe bar rahna

hathon pe sar ko rakkhe har rind kah raha hai

be-kaif rahne hi tak tha be-KHumar rahna

kis tarah main ne mana ai iKHtiyar wale

mayyat ke misl apna be-iKHtiyar rahna

ranginiyon ne kis ki sikhla diya hai gul ko

jab tak chaman mein rahna ban kar bahaar rahna

hasti ke qafile ko us rahzan ne luTa

kahta tha rah bhar jo han hoshiyar rahna

'beKHud' ki zindagi ki ye bhi koi tarah thi

be-iKHtiyar aana be-iKHtiyar rahna