apna Khaaliq KHud hi tha mera KHuda koi na tha

apnā ḳhāliq ḳhud hī thā merā ḳhudā koī na thā

is jahāñ meñ mujh se pahle dūsrā koī na thā

rāt-bhar chaltā rahā thā chāñd mere saath saath

dasht meñ us kā kahīñ bhī naqsh-e-pā koī na thā

fāsle hī fāsle the manzileñ hī manzileñ

ham-safar koī na thā aur rahnumā koī na thā

vo payambar thā khaḌā thā ik galī ke moḌ par

ajnabī bastī meñ us ko jāntā koī na thā

duur tak phailī huī thiiñ dard kī tanhā.iyāñ

do diloñ ke darmiyāñ jab fāsla koī na thā

kis qadar sunsān thī us shahr-e-ulfat kī galī

band the saare darīche jhāñktā koī na thā

gūñjtī thiiñ jab tumhārī yaad kī ḳhāmoshiyāñ

dil ke vīrāne nagar meñ jāgtā koī na thā

jism-o-jāñ kī qaid meñ rahnā paḌā ik umr tak

bach nikalne kā kahīñ bhī rāsta koī na thā

apna KHaliq KHud hi tha mera KHuda koi na tha

is jahan mein mujh se pahle dusra koi na tha

raat-bhar chalta raha tha chand mere sath sath

dasht mein us ka kahin bhi naqsh-e-pa koi na tha

fasle hi fasle the manzilen hi manzilen

ham-safar koi na tha aur rahnuma koi na tha

wo payambar tha khaDa tha ek gali ke moD par

ajnabi basti mein us ko jaanta koi na tha

dur tak phaili hui thin dard ki tanhaiyan

do dilon ke darmiyan jab fasla koi na tha

kis qadar sunsan thi us shahr-e-ulfat ki gali

band the sare dariche jhankta koi na tha

gunjti thin jab tumhaari yaad ki KHamoshiyan

dil ke virane nagar mein jagta koi na tha

jism-o-jaan ki qaid mein rahna paDa ek umr tak

bach nikalne ka kahin bhi rasta koi na tha