apne ahd-e-wafa ko bhul gae

apne ahd-e-vafā ko bhuul ga.e

tum to bilkul ḳhudā ko bhuul ga.e

kuchh na pūchh intihā-e-rañj-e-firāq

dard pā kar davā ko bhuul ga.e

ham ne yād-e-butāñ meñ dam toḌā

marte marte ḳhudā ko bhuul ga.e

un kī bātoñ ko yaad kartā huuñ

jo mirī iltijā ko bhuul ga.e

darmiyānī ta.alluqāt na pūchh

ibtidā intihā ko bhuul ga.e

un se do din bhī chaah nibh na sakī

'muztar'-e-be-navā ko bhuul ga.e

apne ahd-e-wafa ko bhul gae

tum to bilkul KHuda ko bhul gae

kuchh na puchh intiha-e-ranj-e-firaq

dard pa kar dawa ko bhul gae

hum ne yaad-e-butan mein dam toDa

marte marte KHuda ko bhul gae

un ki baaton ko yaad karta hun

jo meri iltija ko bhul gae

darmiyani talluqat na puchh

ibtida intiha ko bhul gae

un se do din bhi chah nibh na saki

'muztar'-e-be-nawa ko bhul gae