apne ahd-e-wafa se ru-gardani karta rahta hai

apne ahd-e-vafā se rū-gardānī kartā rahtā hai

merī sub.hoñ shāmoñ kī nigrānī kartā rahtā hai

kyā kahiye kis mushkil meñ baaqī hai mohabbat kā mīsāq

jis par aa.e din vo ḳhud nigrānī kartā rahtā hai

us ke apne ghar kā safāyā din ko kaise ho paayā

vo jo shab bhar shahr kī ḳhud nigrānī kartā rahtā hai

dil ne us ko bhulā dene kā azm to kitnī baar kiyā

dil pāgal hai ḳhud hī nā-farmānī kartā rahtā hai

merī nā-samjhī ke baa.is us ke masā.il ulajh ga.e

merī ḳhātir jo paidā āsānī kartā rahtā hai

yuuñ lagtā hai us ke din bhī puure hone vaale haiñ

hadd-e-bisāt se baḌh kar vo man-mānī kartā rahtā hai

us kī jhūTī tardīdoñ ko sun kar chup ho jaatā huuñ

mere ḳhilāf jo din bhar ġhalat-bayānī kartā rahtā hai

jis ko tū ne apne hāthoñ ūñchā kiyā hai jaan 'salīm'

mere ḳhilāf vahī to zahr-afshānī kartā rahtā hai

apne ahd-e-wafa se ru-gardani karta rahta hai

meri subhon shamon ki nigrani karta rahta hai

kya kahiye kis mushkil mein baqi hai mohabbat ka misaq

jis par aae din wo KHud nigrani karta rahta hai

us ke apne ghar ka safaya din ko kaise ho paya

wo jo shab bhar shahr ki KHud nigrani karta rahta hai

dil ne us ko bhula dene ka azm to kitni bar kiya

dil pagal hai KHud hi na-farmani karta rahta hai

meri na-samjhi ke bais us ke masail ulajh gae

meri KHatir jo paida aasani karta rahta hai

yun lagta hai us ke din bhi pure hone wale hain

hadd-e-bisat se baDh kar wo man-mani karta rahta hai

us ki jhuTi tardidon ko sun kar chup ho jata hun

mere KHilaf jo din bhar ghalat-bayani karta rahta hai

jis ko tu ne apne hathon uncha kiya hai jaan 'salim'

mere KHilaf wahi to zahr-afshani karta rahta hai