apne andar utar raha hun main
apne andar utar rahā huuñ maiñ
dhīre dhīre sudhar rahā huuñ maiñ
nūr-o-zulmat meñ imtiyāz nahīñ
is kuñ.eñ meñ utar rahā huuñ maiñ
jis ko dekho churā rahā hai nigāh
kis galī se guzar rahā huuñ maiñ
ḳhud ko ik din sameTnā bhī hai
āj-kal to bikhar rahā huuñ maiñ
chhoḌā andesha-hā-e-dūr-darāz
jī rahā huuñ ki mar rahā huuñ maiñ
jāntā huuñ maiñ har qadam us kā
muddatoñ ham-safar rahā huuñ maiñ
saare chehre haiñ ye to anjāne
mehmāñ kis ke ghar rahā huuñ maiñ
apne andar utar raha hun main
dhire dhire sudhar raha hun main
nur-o-zulmat mein imtiyaz nahin
is kunen mein utar raha hun main
jis ko dekho chura raha hai nigah
kis gali se guzar raha hun main
KHud ko ek din sameTna bhi hai
aaj-kal to bikhar raha hun main
chhoDa andesha-ha-e-dur-daraaz
ji raha hun ki mar raha hun main
jaanta hun main har qadam us ka
muddaton ham-safar raha hun main
sare chehre hain ye to anjaane
mehman kis ke ghar raha hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
