apne anjam se be-KHabar zindagi
apne anjām se be-ḳhabar zindagī
raat din kar rahī hai safar zindagī
in dahaktī chitāoñ kī āġhosh meñ
kis tarah ho sakegī basar zindagī
aa ke jaate hue manzaroñ kī tarah
ghaTtī jaatī hai shām-o-sahar zindagī
maut terā bahut ham pe ehsān hai
tujh se pahlī na thī mo'atabar zindagī
buġhz-o-nafrat kī baḌhtī huī aag meñ
jal rahe haiñ umīdoñ ke ghar zindagī
chhoḌ kar is qafas ko kidhar jā.eñge
ho ga.ī ab to be-bāl-o-par zindagī
ham bhī 'sailānī' bhaTkā kiye umr bhar
le ga.ī jab idhar se udhar zindagī
apne anjam se be-KHabar zindagi
raat din kar rahi hai safar zindagi
in dahakti chitaon ki aaghosh mein
kis tarah ho sakegi basar zindagi
aa ke jate hue manzaron ki tarah
ghaTti jati hai sham-o-sahar zindagi
maut tera bahut hum pe ehsan hai
tujh se pahli na thi mo'atabar zindagi
bughz-o-nafrat ki baDhti hui aag mein
jal rahe hain umidon ke ghar zindagi
chhoD kar is qafas ko kidhar jaenge
ho gai ab to be-baal-o-par zindagi
hum bhi 'sailani' bhaTka kiye umr bhar
le gai jab idhar se udhar zindagi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
