apne bhai se ye gham-KHwari misali hai meri

apne bhaa.ī se ye ġham-ḳhvārī misālī hai mirī

apne haq se dast-bardārī misālī hai mirī

apnī barbādī ke kāġhaz par kiye haiñ dastaḳhat

sab qabīle meñ ziyāñ kaarī misālī hai mirī

dushmanī ke qā.edoñ se nā-balad huuñ maiñ magar

ye samajh leñ aap bhī yaarī misālī hai mirī

chīthaḌoñ ke rauzanoñ se surḳhiyoñ kī jhalkiyāñ

sādgī meñ aisī purkārī misālī hai mirī

aap kī shāhī se apnī ye faqīrī come nahīñ

raakh aur patthar pe sardārī misālī hai mirī

dil kī har dīvār hī dīvār-e-girya hai mujhe

ek dariyā huuñ azā-dārī misālī hai mirī

ḳhush-gumānī aur baḌh jā.egī is ke vaar se

maiñ vo muḳhlis huuñ vafādārī misālī hai mirī

apne bhai se ye gham-KHwari misali hai meri

apne haq se dast-bardari misali hai meri

apni barbaadi ke kaghaz par kiye hain dastaKHat

sab qabile mein ziyan kari misali hai meri

dushmani ke qaedon se na-balad hun main magar

ye samajh len aap bhi yari misali hai meri

chithaDon ke rauzanon se surKHiyon ki jhalkiyan

sadgi mein aisi purkari misali hai meri

aap ki shahi se apni ye faqiri come nahin

rakh aur patthar pe sardari misali hai meri

dil ki har diwar hi diwar-e-girya hai mujhe

ek dariya hun aza-dari misali hai meri

KHush-gumani aur baDh jaegi is ke war se

main wo muKHlis hun wafadari misali hai meri