اپنے دل کو نڈھال کیا کرتے
اپنے دل کو نڈھال کیا کرتے
تم سے ہم عرض حال کیا کرتے
ہم وفا ترک آپ سے کر کے
اپنا جینا محال کیا کرتے
جب کسی کام کا نہیں ہے تو
دل کی ہم دیکھ بھال کیا کرتے
جس نے قدموں میں رکھ دیا سر کو
اس کو ہم لا زوال کیا کرتے
ایک شہکار جو خدا کا ہو
اس پہ ہم کچھ کمال کیا کرتے
آپ خود جو مثال ہو اپنی
اس کو ہم بے مثال کیا کرتے
تیرا چہرہ شفق کی عید بنا
دیکھ کر ہم ہلال کیا کرتے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.