apne ehsas se bahar nahin hone deta

apne ehsās se bāhar nahīñ hone detā

raaz zāhir bhī ye mujh par nahīñ hone detā

ḳhauf-e-rusvā.ī se kar detā hai hairāñ aisā

merī āñkhoñ ko samundar nahīñ hone detā

mom kar detā hai jab lauT ke aa jaatā hai

mujh ko furqat meñ vo patthar nahīñ hone detā

dekhtā huuñ to kabhī chāñd kabhī phuul hai vo

apnī sūrat mujhe azbar nahīñ hone detā

jī meñ hai uḌ ke chalā jā.ūñ jahāñ rahtā hai

vo mirā ghar bhī mirā ghar nahīñ hone detā

jab bhī miltā hai to bas TuuT ke miltā hai mujhe

apne ġham kā mujhe ḳhūgar nahīñ hone detā

ruuTh bhī jaate haiñ 'ja.afar' to manā lene meñ

mujh ko apne se vo behtar nahīñ hone detā

apne ehsas se bahar nahin hone deta

raaz zahir bhi ye mujh par nahin hone deta

KHauf-e-ruswai se kar deta hai hairan aisa

meri aankhon ko samundar nahin hone deta

mom kar deta hai jab lauT ke aa jata hai

mujh ko furqat mein wo patthar nahin hone deta

dekhta hun to kabhi chand kabhi phul hai wo

apni surat mujhe azbar nahin hone deta

ji mein hai uD ke chala jaun jahan rahta hai

wo mera ghar bhi mera ghar nahin hone deta

jab bhi milta hai to bas TuT ke milta hai mujhe

apne gham ka mujhe KHugar nahin hone deta

ruTh bhi jate hain 'jafar' to mana lene mein

mujh ko apne se wo behtar nahin hone deta