اپنے گھر کا مجھے مہمان بہت کرتا ہے

اپنے گھر کا مجھے مہمان بہت کرتا ہے

میرا ہمدم مرا سمان بہت کرتا ہے

فکر عقبیٰ کی نہیں قلب میں ہائے افسوس

فکر دنیا کی یہ انسان بہت کرتا ہے

پارسا اس کو میں کہتا ہوں کہوں گا ہر دم

اپنی بخشش کا جو سامان بہت کرتا ہوں

شیر دل خود کو بتاتا ہے بشر وہ لیکن

رنج کم سہتا ہے اعلان بہت کرتا ہے

جا بڑھا اس کی طرف اپنا قدم اب تو بھی

تجھ سے ملنے کا وہ ارمان بہت کرتا ہے

حق کی باتوں پہ عمل بھی تو ضروری ہے میاں

چار سو حق کا تو اعلان بہت کرتا ہے

چاہتا جب بھی ہے تدبیر سے اپنی نازاںؔ

حکمراں وقت کا حیران بہت کرتا ہے