apne ghar mein meri taswir sajaane wale
apne ghar meñ mirī tasvīr sajāne vaale
uñgliyāñ tujh pe uThā.eñge zamāne vaale
jā tujhe bhī kahīñ dīvār kā saaya na mile
ġham ke sahrā meñ mujhe chhoḌ ke jaane vaale
ham faqīroñ kī bhī thoḌī sī duā.eñ le jā
kaam ā.eñgī nazar pher ke jaane vaale
sho.ala-rū sho.ala-badan sho.ala-suḳhan sho.ala-mizāj
aa ga.e ghar meñ mire aag lagāne vaale
vo hamāre hī kisī dost kā ghar thā shāyad
chhup ke baiThe the jahāñ tiir chalāne vaale
apne andar bhī kabhī jhāñk ke dekhā hotā
aa.ina saare zamāne ko dikhāne vaale
ātish-e-rashk se jalte haiñ adū jal jaa.eñ
phuul 'rāhī' pe luTā.eñge luTāne vaale
apne ghar mein meri taswir sajaane wale
ungliyan tujh pe uThaenge zamane wale
ja tujhe bhi kahin diwar ka saya na mile
gham ke sahra mein mujhe chhoD ke jaane wale
hum faqiron ki bhi thoDi si duaen le ja
kaam aaengi nazar pher ke jaane wale
shoala-ru shoala-badan shoala-suKHan shoala-mizaj
aa gae ghar mein mere aag lagane wale
wo hamare hi kisi dost ka ghar tha shayad
chhup ke baiThe the jahan tir chalane wale
apne andar bhi kabhi jhank ke dekha hota
aaina sare zamane ko dikhane wale
aatish-e-rashk se jalte hain adu jal jaen
phul 'rahi' pe luTaenge luTane wale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
