apne ghar par bula liya usne

apne ghar par bulā liyā us ne

diip saare bujhā diyā us ne

chāñdnī sī bikhar ga.ī har-sū

ruḳh se parda haTā diyā us ne

kho gayā us kī mast āñkhoñ meñ

aise nazreñ milā liyā us ne

rakh ke godī meñ sar merā apnī

dil kī dhaḌkan baḌhā diyā us ne

kyuuñ na ho naaz apnī qismat par

mujh ko apnā banā liyā us ne

vaqt-e-ruḳhsat namī thī āñkhoñ meñ

haath phir bhī hilā diyā us ne

lauT kar ā.ūñgā maiñ phir ek din

va.ada mujh se karā liyā us ne

gum hai 'tauqīr' us kī yādoñ meñ

jām-e-ulfat pilā diyā us ne

apne ghar par bula liya us ne

dip sare bujha diya us ne

chandni si bikhar gai har-su

ruKH se parda haTa diya us ne

kho gaya us ki mast aankhon mein

aise nazren mila liya us ne

rakh ke godi mein sar mera apni

dil ki dhaDkan baDha diya us ne

kyun na ho naz apni qismat par

mujh ko apna bana liya us ne

waqt-e-ruKHsat nami thi aankhon mein

hath phir bhi hila diya us ne

lauT kar aaunga main phir ek din

wada mujh se kara liya us ne

gum hai 'tauqir' us ki yaadon mein

jam-e-ulfat pila diya us ne