apne hi aap mein rasta hun main
apne hī aap meñ rasta huuñ maiñ
aur phir gum huā jaatā huuñ maiñ
kitne dariyāoñ kī maiñ jā-e-panāh
log kahte haiñ ki sahrā huuñ maiñ
terā dukh hai jo mujhe bhartā hai
apne har sukh meñ adhūrā huuñ maiñ
fāḳhta shor machātī hai kyā
jā chalī jā abhī royā huuñ maiñ
dasht meñ jaane se ghabrātā hai dil
shahr meñ ḳhaak uḌātā huuñ maiñ
vo jo avval hai mirā 'sānī' hai
kaun ye kahtā hai yaktā huuñ maiñ
apne hi aap mein rasta hun main
aur phir gum hua jata hun main
kitne dariyaon ki main ja-e-panah
log kahte hain ki sahra hun main
tera dukh hai jo mujhe bharta hai
apne har sukh mein adhura hun main
faKHta shor machati hai kya
ja chali ja abhi roya hun main
dasht mein jaane se ghabraata hai dil
shahr mein KHak uData hun main
wo jo awwal hai mera 'sani' hai
kaun ye kahta hai yakta hun main
- Book : Maujood Ki Nisbat Se (Pg. 53)
- Author : Mahendra Kumar Sani
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
