apne hi bhai ko ham-saya banate kyun ho

apne hī bhaa.ī ko ham-sāya banāte kyuuñ ho

sahn ke beach meñ dīvār lagāte kyuuñ ho

ik na ik din to unheñ TuuT bikharnā hogā

ḳhvāb phir ḳhvāb haiñ ḳhvāboñ ko sajāte kyuuñ ho

kaun suntā hai yahāñ kaun hai sunñe vaalā

ye samajhte ho to āvāz uThāte kyuuñ ho

ḳhud ko bhūle hue guzre haiñ zamāne yaaro

ab mujhe tum mirā ehsās dilāte kyuuñ ho

apne chehroñ pe jo ḳhud aap hī patthar pheñkeñ

aise logoñ ko tum ā.īna dikhāte kyuuñ ho

apnī taqdīr hai tūfānoñ se laḌte rahnā

ahl-e-sāhil kī taraf haath baḌhāte kyuuñ ho

aaj ke daur kā mausam hai ġhubār-ālūda

aa.ine par koī tahrīr bichhāte kyuuñ ho

kuchh dalā.el koī ma.anī nahīñ rakhte 'āzar'

kahne vaale kī har ik baat pe jaate kyuuñ ho

apne hi bhai ko ham-saya banate kyun ho

sahn ke beach mein diwar lagate kyun ho

ek na ek din to unhen TuT bikharna hoga

KHwab phir KHwab hain KHwabon ko sajate kyun ho

kaun sunta hai yahan kaun hai sunne wala

ye samajhte ho to aawaz uThate kyun ho

KHud ko bhule hue guzre hain zamane yaro

ab mujhe tum mera ehsas dilate kyun ho

apne chehron pe jo KHud aap hi patthar phenken

aise logon ko tum aaina dikhate kyun ho

apni taqdir hai tufanon se laDte rahna

ahl-e-sahil ki taraf hath baDhate kyun ho

aaj ke daur ka mausam hai ghubar-aluda

aaine par koi tahrir bichhate kyun ho

kuchh dalael koi mani nahin rakhte 'azar'

kahne wale ki har ek baat pe jate kyun ho