اپنے ہونٹوں پہ تبسم کو سجا کر رکھیے

اپنے ہونٹوں پہ تبسم کو سجا کر رکھیے

دل کا ہر درد زمانے سے چھپا کر رکھیے

کون ہے کس کا یہاں ہے نہیں ہمراز کوئی

راز کو راز کے مانند بچا کر رکھیے

ہم تو آنکھوں میں لکھا آنکھوں سے پڑھ لیتے ہیں

ہم سے ملیے تو نگاہوں کو جھکا کر رکھیے

لوگ آئیں گے بہت چھوڑ کے جائیں گے بہت

ہر کسی کو نہ کلیجے سے لگا کر رکھیے

کب تلک روتے رہیں گے شب تنہائی میں

اک نئی صبح کی امید جگا کر رکھیے

دو قدم ساتھ بھی چلتا نہیں مشکل میں کوئی

رابطہ سب سے بہر حال بنا کر رکھیے