apne honTon pe tabassum ko saja kar rakhiye

apne hoñToñ pe tabassum ko sajā kar rakhiye

dil kā har dard zamāne se chhupā kar rakhiye

kaun hai kis kā yahāñ hai nahīñ ham-rāz koī

raaz ko raaz ke mānind bachā kar rakhiye

ham to āñkhoñ meñ likhā āñkhoñ se paḌh lete haiñ

ham se miliye to nigāhoñ ko jhukā kar rakhiye

log ā.eñge bahut chhoḌ ke jā.eñge bahut

har kisī ko na kaleje se lagā kar rakhiye

kab talak rote raheñge shab-e-tanhā.ī meñ

ik na.ī sub.h kī ummīd jagā kar rakhiye

do qadam saath bhī chaltā nahīñ mushkil meñ koī

rābta sab se bahar-hāl banā kar rakhiye

apne honTon pe tabassum ko saja kar rakhiye

dil ka har dard zamane se chhupa kar rakhiye

kaun hai kis ka yahan hai nahin ham-raaz koi

raaz ko raaz ke manind bacha kar rakhiye

hum to aankhon mein likha aankhon se paDh lete hain

hum se miliye to nigahon ko jhuka kar rakhiye

log aaenge bahut chhoD ke jaenge bahut

har kisi ko na kaleje se laga kar rakhiye

kab talak rote rahenge shab-e-tanhai mein

ek nai subh ki ummid jaga kar rakhiye

do qadam sath bhi chalta nahin mushkil mein koi

rabta sab se bahar-haal bana kar rakhiye