apne iqrar pe qaem na wo inkar pe hai

apne iqrār pe qaa.em na vo inkār pe hai

kis parī-zād kā saaya mire dildār pe hai

fikr-e-tahzīb na asnāf-e-adab se raġhbat

āj-kal sab kī nazar dirham-o-dīnār pe hai

aisā lagtā hai chalī aa.egī pahlū meñ abhī

qadd-e-ādam tirī tasvīr jo dīvār pe hai

mujh ko is zulmat-e-shab-zār se nisbat hī kyā

merī bedār nazar sub.h ke āsār pe hai

maiñ to bikne pe huuñ raazī ba-sar-o-chashm 'sahar'

faisla aa ke Tikā mere ḳharīdār pe hai

apne iqrar pe qaem na wo inkar pe hai

kis pari-zad ka saya mere dildar pe hai

fikr-e-tahzib na asnaf-e-adab se raghbat

aaj-kal sab ki nazar dirham-o-dinar pe hai

aisa lagta hai chali aaegi pahlu mein abhi

qadd-e-adam teri taswir jo diwar pe hai

mujh ko is zulmat-e-shab-zar se nisbat hi kya

meri bedar nazar subh ke aasar pe hai

main to bikne pe hun raazi ba-sar-o-chashm 'sahar'

faisla aa ke Tika mere KHaridar pe hai