apne is daur mein hai ranj ka saman bahut

apne is daur meñ hai ranj kā sāmān bahut

aaj insāñ hai masā.il se pareshān bahut

hijr meñ yās-o-alam ne kahāñ tanhā chhoḌā

bin bulā.e mire ghar aa ga.e mehmān bahut

ham to āġhāz se hī ishq meñ barbād rahe

nafā ke badle kiyā ham ne to nuqsān bahut

ishq kī jang meñ āsān nahīñ fat.h-e-mubīñ

kaam aa.e isī maidān meñ insān bahut

dost vo bante haiñ jo dil meñ samā jaate haiñ

safar-e-zīst meñ Takrāte haiñ insān bahut

bhiiḌ duniyā meñ hai ab kizb-o-riyā vāloñ kī

āj-kal milte nahīñ sāhib-e-īmān bahut

umr bhar hotī rahīñ hasrateñ puurī 'zākir'

phir bhī hasrat hai ki nikle nahīñ armān bahut

apne is daur mein hai ranj ka saman bahut

aaj insan hai masail se pareshan bahut

hijr mein yas-o-alam ne kahan tanha chhoDa

bin bulae mere ghar aa gae mehman bahut

hum to aaghaz se hi ishq mein barbaad rahe

nafa ke badle kiya hum ne to nuqsan bahut

ishq ki jang mein aasan nahin fath-e-mubin

kaam aae isi maidan mein insan bahut

dost wo bante hain jo dil mein sama jate hain

safar-e-zist mein Takraate hain insan bahut

bhiD duniya mein hai ab kizb-o-riya walon ki

aaj-kal milte nahin sahib-e-iman bahut

umr bhar hoti rahin hasraten puri 'zakir'

phir bhi hasrat hai ki nikle nahin arman bahut