apne jalwon ko yun na aam karo

apne jalvoñ ko yuuñ na aam karo

kuchh to parde kā ehtimām karo

zulmatoñ kī bisāt hī kyā hai

tum charāġhoñ kā intizām karo

ḳhush-dilī se milā karo sab se

ḳhanda-peshānī apnī aam karo

ye na bhūlo ki tum muhāfiz ho

yuuñ na insāñ kā qatl-e-ām karo

apne ajdād hoñ na sharminda

aisā vaisā na koī kaam karo

is se dil kā sukūn miltā hai

zikr allāh kā mudām karo

muflisoñ ko na dekho nafrat se

tum ġharīboñ kā ehtirām karo

yuuñ numā.ish karo na daulat kī

is burā.ī kā iḳhtitām karo

chāhte ho ki barguzīda hoñ

tum haqā.eq ko apne naam karo

mujh ko tum se baḌī mohabbat hai

mere jazbe kā ehtirām karo

aglī nasloñ ko jis se faiz mile

aisā duniyā meñ koī kaam karo

ye na.e ahd kā taqāza hai

qātiloñ kā bhī ehtirām karo

tez raftār hai zamāna 'zakī'

tum zakāvat ko tez-gām karo

apne jalwon ko yun na aam karo

kuchh to parde ka ehtimam karo

zulmaton ki bisat hi kya hai

tum charaghon ka intizam karo

KHush-dili se mila karo sab se

KHanda-peshani apni aam karo

ye na bhulo ki tum muhafiz ho

yun na insan ka qatl-e-am karo

apne ajdad hon na sharminda

aisa waisa na koi kaam karo

is se dil ka sukun milta hai

zikr allah ka mudam karo

muflison ko na dekho nafrat se

tum gharibon ka ehtiram karo

yun numaish karo na daulat ki

is burai ka iKHtitam karo

chahte ho ki barguzida hon

tum haqaeq ko apne nam karo

mujh ko tum se baDi mohabbat hai

mere jazbe ka ehtiram karo

agli naslon ko jis se faiz mile

aisa duniya mein koi kaam karo

ye nae ahd ka taqaza hai

qatilon ka bhi ehtiram karo

tez raftar hai zamana 'zaki'

tum zakawat ko tez-gam karo