apne jine ke hum asbab dikhate hain tumhein
apne jiine ke ham asbāb dikhāte haiñ tumheñ
dosto aao ki kuchh ḳhvāb dikhāte haiñ tumheñ
tum ne ġharqāb safīne to bahut dekhe haiñ
sar paTakte hue sailāb dikhāte haiñ tumheñ
husn kā shor jo barpā hai zarā thamne do
ishq kā lahja-e-nāyāb dikhāte haiñ tumheñ
mere phaile hue dāman ke kabhī saath chalo
muñh chhupāte hue ahbāb dikhāte haiñ tumheñ
chhat pe aa jaao har ik kaam se fāriġh ho kar
chāñdnī raat ke mehrāb dikhāte haiñ tumheñ
kaise āñkhoñ meñ utarte haiñ lahū ke qatre
kaise bantā hai ye tezāb dikhāte haiñ tumheñ
tum zarā pyaas kī me.arāj pe pahuñcho to sahī
regzāroñ meñ bhī girdāb dikhāte haiñ tumheñ
ek maqsad ke liye amn kī tahrīroñ meñ
ḳhuun se likkhe hue baab dikhāte haiñ tumheñ
apne jine ke hum asbab dikhate hain tumhein
dosto aao ki kuchh KHwab dikhate hain tumhein
tum ne gharqab safine to bahut dekhe hain
sar paTakte hue sailab dikhate hain tumhein
husn ka shor jo barpa hai zara thamne do
ishq ka lahja-e-nayab dikhate hain tumhein
mere phaile hue daman ke kabhi sath chalo
munh chhupate hue ahbab dikhate hain tumhein
chhat pe aa jao har ek kaam se farigh ho kar
chandni raat ke mehrab dikhate hain tumhein
kaise aankhon mein utarte hain lahu ke qatre
kaise banta hai ye tezab dikhate hain tumhein
tum zara pyas ki mearaj pe pahuncho to sahi
regzaron mein bhi girdab dikhate hain tumhein
ek maqsad ke liye amn ki tahriron mein
KHun se likkhe hue bab dikhate hain tumhein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
