apne kya begane kya the

apne kyā begāne kyā the

rishtoñ ke paimāne kyā the

albele vo zamāne kyā the

ḳhāmoshī ke tarāne kyā the

dard bhī vo anjāne kyā the

bin dekhe dīvāne kyā the

sab kuchh un par nazr kareñge

hāthoñ meñ nazrāne kyā the

sham.a ban kar pighal rahe the

un ke ham parvāne kyā the

apne kya begane kya the

rishton ke paimane kya the

albele wo zamane kya the

KHamoshi ke tarane kya the

dard bhi wo anjaane kya the

bin dekhe diwane kya the

sab kuchh un par nazr karenge

hathon mein nazrane kya the

shama ban kar pighal rahe the

un ke hum parwane kya the