apne lahu mein zahr bhi KHud gholta hun main

apne lahū meñ zahr bhī ḳhud gholtā huuñ maiñ

soz-e-darūñ kisī pe nahīñ kholtā huuñ maiñ

aflāk merī durd-e-tah-e-jām meñ haiñ gum

tasbīh-e-mahr-o-anjum-o-mah roltā huuñ maiñ

kuchh na samajh ke uTh chale sab mere ġham-gusār

jaane vahī ki jis kī zabāñ boltā huuñ maiñ

kyā jaane shāḳh-e-vaqt se kis vaqt gir paḌūñ

mānind-e-barg-e-zard abhī Doltā huuñ maiñ

bāzār-e-dil meñ dard kā gāhak nahīñ koī

mīzān-e-ārzū meñ ziyāñ taultā huuñ maiñ

'imrran' bū-e-gul se haiñ nāḳhun mahak uThe

ye kis hasīñ ke band-e-qabā kholtā huuñ meñ

apne lahu mein zahr bhi KHud gholta hun main

soz-e-darun kisi pe nahin kholta hun main

aflak meri durd-e-tah-e-jam mein hain gum

tasbih-e-mahr-o-anjum-o-mah rolta hun main

kuchh na samajh ke uTh chale sab mere gham-gusar

jaane wahi ki jis ki zaban bolta hun main

kya jaane shaKH-e-waqt se kis waqt gir paDun

manind-e-barg-e-zard abhi Dolta hun main

bazar-e-dil mein dard ka gahak nahin koi

mizan-e-arzu mein ziyan taulta hun main

'imrran' bu-e-gul se hain naKHun mahak uThe

ye kis hasin ke band-e-qaba kholta hun mein