apne mein jo ab bhule se kabhi rahat ka taqaza pata hai
apne mein jo ab bhule se kabhi rahat ka taqaza pata hai
Josh Malihabadi
MORE BYJosh Malihabadi
apne meñ jo ab bhūle se kabhī rāhat kā taqāzā paatā hai
hālāt pe mere kar ke nazar dil mujh se bahut sharmātā hai
uljhan meñ yakāyak hotī hai dam ruktā hai dil bhar aatā hai
jab koī tasallī detā hai kuchh aur bhī jī ghabrātā hai
ārām sarakne vaalā hai kis shai pe ye ġharra hai tujh ko
duniyā ye badalne vaalī hai kis chiiz pe tū itrātā hai
elaan sahar ko hotā hai yuuñ husn kī shāhanshāhī kā
gardūñ pe sunahrā ik parcham mashriq kī taraf lahrātā hai
andāz-o-adā se ai duniyā tū laakh sañvar kar sāmne aa
ye 'josh' faqīr āzād-manash jab dhyān meñ tujh ko laatā hai
apne mein jo ab bhule se kabhi rahat ka taqaza pata hai
haalat pe mere kar ke nazar dil mujh se bahut sharmata hai
uljhan mein yakayak hoti hai dam rukta hai dil bhar aata hai
jab koi tasalli deta hai kuchh aur bhi ji ghabraata hai
aaram sarakne wala hai kis shai pe ye gharra hai tujh ko
duniya ye badalne wali hai kis chiz pe tu itraata hai
elan sahar ko hota hai yun husn ki shahanshahi ka
gardun pe sunahra ek parcham mashriq ki taraf lahraata hai
andaz-o-ada se ai duniya tu lakh sanwar kar samne aa
ye 'josh' faqir aazad-manash jab dhyan mein tujh ko lata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
