apne raushan mustaqbil ki baaten karte hain

apne raushan mustaqbil kī bāteñ karte haiñ

shā.ir bhī dīvānoñ jaisī bāteñ karte haiñ

duniyā-dārī saaf jhalaktī hai kirdāroñ se

ham masjid kī had tak diinī bāteñ karte haiñ

kaash amal bhī apne ho jaa.eñ bilkul vaise

taqrīroñ meñ jitnī achchhī bāteñ karte haiñ

kyā tahzīb tanazzul kī manzil tak aa pahuñchī

shorafā bāzāroñ meñ ghar kī bāteñ karte haiñ

ḳhvāb se lagte haiñ ab saare rishte maazī ke

mil hī jaate haiñ to rasmī bāteñ karte haiñ

achchhā sā mansab hāsil kar lene kī dhun meñ

log na jaane kaisī kaisī bāteñ karte haiñ

sachchā.ī ko sun kar hākim mujh se kahtā hai

aise lahje meñ to bāġhī bāteñ karte haiñ

baat karūñ yā sher sunā.ūñ duniyā kahtī hai

'vāsif' sāhab har dam kaḌvī bāteñ karte haiñ

apne raushan mustaqbil ki baaten karte hain

shair bhi diwanon jaisi baaten karte hain

duniya-dari saf jhalakti hai kirdaron se

hum masjid ki had tak dini baaten karte hain

kash amal bhi apne ho jaen bilkul waise

taqriron mein jitni achchhi baaten karte hain

kya tahzib tanazzul ki manzil tak aa pahunchi

shorafa bazaron mein ghar ki baaten karte hain

KHwab se lagte hain ab sare rishte mazi ke

mil hi jate hain to rasmi baaten karte hain

achchha sa mansab hasil kar lene ki dhun mein

log na jaane kaisi kaisi baaten karte hain

sachchai ko sun kar hakim mujh se kahta hai

aise lahje mein to baghi baaten karte hain

baat karun ya sher sunaun duniya kahti hai

'wasif' sahab har dam kaDwi baaten karte hain