apne sab daftar ke sathi yar hamara koi nahin

apne sab daftar ke sāthī yaar hamārā koī nahīñ

kursī mez kā un se rishta dil kā rishta koī nahīñ

dar pe mire vo jab tak pahuñchā khul ga.e raah ke darvāze

maiñ ne sochā thā ki yahāñ par us kā shanāsā koī nahīñ

vo bhī achchhe aap bhī achchhe kaun burā hai lekin haañ

jo ham ko achchhā kahtā hai us se achchhā koī nahīñ

aao zarā chal kar to dekheñ kaun haiñ ye kaise haiñ log

ik muddat se is bastī meñ aatā jaatā koī nahīñ

raat havā kuchh tez thī shāyad bol rahe the darvāze

pūchhte kyoñ ho kaun aayā thā kaun aayā thā koī nahīñ

ghar ko to hamsā.e ne chhīnā saa.e ban ke rahe 'kāzim'

ḳhat kā javāb na tum ab denā apnā Thikānā koī nahīñ

apne sab daftar ke sathi yar hamara koi nahin

kursi mez ka un se rishta dil ka rishta koi nahin

dar pe mere wo jab tak pahuncha khul gae rah ke darwaze

main ne socha tha ki yahan par us ka shanasa koi nahin

wo bhi achchhe aap bhi achchhe kaun bura hai lekin han

jo hum ko achchha kahta hai us se achchha koi nahin

aao zara chal kar to dekhen kaun hain ye kaise hain log

ek muddat se is basti mein aata jata koi nahin

raat hawa kuchh tez thi shayad bol rahe the darwaze

puchhte kyon ho kaun aaya tha kaun aaya tha koi nahin

ghar ko to hamsae ne chhina sae ban ke rahe 'kazim'

KHat ka jawab na tum ab dena apna Thikana koi nahin