apne sab zaKHmon pe hum soe the aansu bandh kar

apne sab zaḳhmoñ pe ham so.e the aañsū bāñdh kar

aa ga.iiñ purvā.iyāñ pairoñ meñ ghuñgrū bāñdh kar

ek ik kar ke tirī yādoñ kī saarī titliyāñ

ho ga.iiñ ruḳhsat mirī palkoñ meñ jugnū bāñdh kar

manzilat se merī nā-vāqif na the majbūr the

ro paḌe dushman mire rassī meñ baazū bāñdh kar

ḳhush-nasab logoñ ke beToñ ko nahīñ is kī ḳhabar

sher maare jā.eñge jangal meñ aahū bāñdh kar

maal aur daulat kī ai 'kaifī' tamanna kis liye

saath le jā.egā duniyā se tū kyā kyā bāñdh kar

apne sab zaKHmon pe hum soe the aansu bandh kar

aa gain purwaiyan pairon mein ghungru bandh kar

ek ek kar ke teri yaadon ki sari titliyan

ho gain ruKHsat meri palkon mein jugnu bandh kar

manzilat se meri na-waqif na the majbur the

ro paDe dushman mere rassi mein bazu bandh kar

KHush-nasab logon ke beTon ko nahin is ki KHabar

sher mare jaenge jangal mein aahu bandh kar

mal aur daulat ki ai 'kaifi' tamanna kis liye

sath le jaega duniya se tu kya kya bandh kar