apne sar ilzam sare dhar chale

apne sar ilzām saare dhar chale

''ham to is jiine ke hāthoñ mar chale''

mere jīvan kā tamāsha dekh kar

log saare apne apne ghar chale

sar ke bal chalte haiñ jis rah par sabhī

ham hathelī par ye sar rakh kar chale

ab ki shāyad tum ko ḳhushiyāñ hoñ nasīb

rañg ham tasvīr meñ sab bhar chale

apnī nasloñ ko bachāne ke liye

ek maada le ke saare nar chale

apne tan par oḌh ke mailā kafan

ham tumhāre naam sab kuchh kar chale

ab to apnā peT puurā bhar gayā

ghaas apne hisse kī ham char chale

hijr ke maare the ḳhālī haath sab

so vo le kar apne apne Dar chale

sab ḳhazāna mulk kā ḳhālī huā

apnī apnī jebeñ saare bhar chale

pyaar ulfat aur mohabbat chhoḌ kar

har jagah har moḌ pe ab zar chale

jab maiñ thak ke maqbare meñ so ga.ī

phir vahāñ nekī chale naañ shar chale

jis jagah chaltī thī ThanDī sī havā

ab vahāñ har moḌ pe sarsar chale

sab se ūñchī thī yahāñ terī anā

aur ham ye choTī bhī sar kar chale

ruuh pyāsī rah na jaa.e dosto

aañkh ke sab ashk ham pī kar chale

apne sar ilzam sare dhar chale

ham to is jine ke hathon mar chale

mere jiwan ka tamasha dekh kar

log sare apne apne ghar chale

sar ke bal chalte hain jis rah par sabhi

hum hatheli par ye sar rakh kar chale

ab ki shayad tum ko KHushiyan hon nasib

rang hum taswir mein sab bhar chale

apni naslon ko bachane ke liye

ek mada le ke sare nar chale

apne tan par oDh ke maila kafan

hum tumhaare nam sab kuchh kar chale

ab to apna peT pura bhar gaya

ghas apne hisse ki hum char chale

hijr ke mare the KHali hath sab

so wo le kar apne apne Dar chale

sab KHazana mulk ka KHali hua

apni apni jeben sare bhar chale

pyar ulfat aur mohabbat chhoD kar

har jagah har moD pe ab zar chale

jab main thak ke maqbare mein so gai

phir wahan neki chale nan shar chale

jis jagah chalti thi ThanDi si hawa

ab wahan har moD pe sarsar chale

sab se unchi thi yahan teri ana

aur hum ye choTi bhi sar kar chale

ruh pyasi rah na jae dosto

aankh ke sab ashk hum pi kar chale