apne sine pe dhara bojh utaren kaise

apne siine pe dharā bojh utāreñ kaise

zindagī kaise kareñ umr guzāreñ kaise

dil bhī kyā shai hai ki mar-mar ke bhī jī uThtā hai

kuchh samajh aatā nahīñ hai ise māreñ kaise

ek hī rang thā chehre pe tire vasl kā rang

ab ye mushkil hai ki ye rang utāreñ kaise

dekhte rahte haiñ chup-chāp ḳhalā kī jānib

sochte rahte haiñ ham tujh ko pukāreñ kaise

tum ise khel samajhte ho to samjhāo hameñ

ham jise jiit chuke haiñ use hāreñ kaise

apne sine pe dhara bojh utaren kaise

zindagi kaise karen umr guzaren kaise

dil bhi kya shai hai ki mar-mar ke bhi ji uThta hai

kuchh samajh aata nahin hai ise maren kaise

ek hi rang tha chehre pe tere wasl ka rang

ab ye mushkil hai ki ye rang utaren kaise

dekhte rahte hain chup-chap KHala ki jaanib

sochte rahte hain hum tujh ko pukaren kaise

tum ise khel samajhte ho to samjhao hamein

hum jise jit chuke hain use haaren kaise