apni aashufta tabiat ka maza leta hun
apnī āshufta tabī.at kā maza letā huuñ
kash lagātā huuñ aziyyat kā maza letā huuñ
aañkh bhī sāmne hone pe yaqīñ rakhtī hai
ḳhvāb-dar-ḳhvāb suhūlat kā maza letā huuñ
tū mire hisse kī vahshat kā maza letā hai
aur maiñ terī mashiyyat kā maza letā huuñ
chāñdnī sard havā phuul parinde ḳhushbū
rāt-bhar terī zarūrat kā maza letā huuñ
jhiil meñ aag lagātā huuñ baḌī fursat se
aur phir baiTh ke fursat kā maza letā huuñ
ḳhauf khātā huuñ kahīñ ḳhud se na uktā jā.ūñ
vaqt kī taaza rivāyat kā maza letā huuñ
apni aashufta tabiat ka maza leta hun
kash lagata hun aziyyat ka maza leta hun
aankh bhi samne hone pe yaqin rakhti hai
KHwab-dar-KHwab suhulat ka maza leta hun
tu mere hisse ki wahshat ka maza leta hai
aur main teri mashiyyat ka maza leta hun
chandni sard hawa phul parinde KHushbu
raat-bhar teri zarurat ka maza leta hun
jhil mein aag lagata hun baDi fursat se
aur phir baiTh ke fursat ka maza leta hun
KHauf khata hun kahin KHud se na ukta jaun
waqt ki taza riwayat ka maza leta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
