apni alag hi samt mein rahen nikal kar

apnī alag hī samt meñ rāheñ nikāl kar

vo le gayā hai jism se sāñseñ nikāl kar

lauTe to ye na soche ki ḳhat jhūT-mūT the

maiñ rakh chalā huuñ baam par āñkheñ nikāl kar

mere kafan ke band na bāñdho abhī mujhe

milnā hai ek shaḳhs se bāñheñ nikāl kar

kyā zarf hai daraḳht kā hairat kī baat hai

miltā hai phir ḳhizāñ se jo shāḳheñ nikāl kar

tū hī batā ki aañkh ke shamshān ghaaT meñ

kaise basā luuñ maiñ tujhe lāsheñ nikāl kar

har shaḳhs apne qad ke barābar dikhā.ī de

socheñ jo darmiyān se zāteñ nikāl kar

chāho to kar lo shauq se tum bhī hisāb-e-vasl

ik pal bachegā hijr kī rāteñ nikāl kar

apni alag hi samt mein rahen nikal kar

wo le gaya hai jism se sansen nikal kar

lauTe to ye na soche ki KHat jhuT-muT the

main rakh chala hun baam par aankhen nikal kar

mere kafan ke band na bandho abhi mujhe

milna hai ek shaKHs se banhen nikal kar

kya zarf hai daraKHt ka hairat ki baat hai

milta hai phir KHizan se jo shaKHen nikal kar

tu hi bata ki aankh ke shamshan ghaT mein

kaise basa lun main tujhe lashen nikal kar

har shaKHs apne qad ke barabar dikhai de

sochen jo darmiyan se zaten nikal kar

chaho to kar lo shauq se tum bhi hisab-e-wasl

ek pal bachega hijr ki raaten nikal kar