apni auqat zamane ko batate aae

apnī auqāt zamāne ko batāte aa.e

tum jidhar aa.e udhar aag lagāte aa.e

ham ko mahfil meñ ta.alluq kā bharam rakhnā thā

dushmanoñ ko bhī gale apne lagāte aa.e

bas yahī un kā karam ham pe bahut bhārī hai

jab vo aa.e to karam apnā jatāte aa.e

ek aahaT bhī Darā detī hai tanhā.ī meñ

ḳhvāb jab aa.e tire mujh ko Darāte aa.e

ḳhud kā ghar phuus kā hai yaad nahīñ thā shāyad

ghar meñ ham-sāyoñ ke vo aag lagāte aa.e

ā.īna qad ke barābar ho zarūrī to nahīñ

aisī chāhat meñ vo kyoñ jaan khapāte aa.e

apni auqat zamane ko batate aae

tum jidhar aae udhar aag lagate aae

hum ko mahfil mein talluq ka bharam rakhna tha

dushmanon ko bhi gale apne lagate aae

bas yahi un ka karam hum pe bahut bhaari hai

jab wo aae to karam apna jatate aae

ek aahaT bhi Dara deti hai tanhai mein

KHwab jab aae tere mujh ko Daraate aae

KHud ka ghar phus ka hai yaad nahin tha shayad

ghar mein ham-sayon ke wo aag lagate aae

aaina qad ke barabar ho zaruri to nahin

aisi chahat mein wo kyon jaan khapate aae