apni farhat ke din ai yar chale aate hain

Taashshuq Lakhnavi

apni farhat ke din ai yar chale aate hain

Taashshuq Lakhnavi

MORE BY Taashshuq Lakhnavi

    apnī farhat ke din ai yaar chale aate haiñ

    kaifiyat par gul-e-ruḳhsār chale aate haiñ

    paḌ ga.ī kyā nigah-e-mast tire saaqī

    laḌkhaḌāte hue mai-ḳhvār chale aate haiñ

    yaad kiiñ nashsha meñ Duubī huī āñkheñ kis

    ġhash tujhe ai dil-e-bīmār chale aate haiñ

    raah meñ sāhib-e-iksīr khaḌe haiñ mushtāq

    ḳhāksārān-e-dar-e-yār chale aate haiñ

    baaġh meñ phuul hañse dete haiñ bedardī se

    nāla-e-murġh-e-giraftār chale aate haiñ

    dekh kar abru-e-ḳhamdār phire yuuñ āshiq

    ġhul hai khaa.e hue talvār chale aate haiñ

    jis tarah narġhe meñ chalte haiñ ġhazāl-e-sahrā

    yuuñ tirī chashm ke bīmār chale aate haiñ

    huuñ vo be-ḳhud ki ye hai nāla-e-sozāñ pe gumāñ

    sho.ala-e-ātish-e-ruḳhsār chale aate haiñ

    chāhiye shor-e-qayāmat pa.e-ta.azīm uTThe

    aap ke āshiq-e-raftār chale aate haiñ

    shor sunte haiñ jo ham chāk-garebānoñ

    band khole sar-e-bāzār chale aate haiñ

    har taraf hashr meñ jhankār hai zanjīroñ

    un zulfoñ ke giraftār chale aate haiñ

    chal ga.ī teġh-e-nigah aaj 'ta.ashshuq' pe zarūr

    log us kūcha se ḳhūñ-bār chale aate haiñ

    apni farhat ke din ai yar chale aate hain

    kaifiyat par gul-e-ruKHsar chale aate hain

    paD gai kya nigah-e-mast tere saqi ki

    laDkhaDate hue mai-KHwar chale aate hain

    yaad kin nashsha mein Dubi hui aankhen kis ki

    ghash tujhe ai dil-e-bimar chale aate hain

    rah mein sahib-e-iksir khaDe hain mushtaq

    KHaksaran-e-dar-e-yar chale aate hain

    bagh mein phul hanse dete hain bedardi se

    nala-e-murgh-e-giraftar chale aate hain

    dekh kar abru-e-KHamdar phire yun aashiq

    ghul hai khae hue talwar chale aate hain

    jis tarah narghe mein chalte hain ghazal-e-sahra

    yun teri chashm ke bimar chale aate hain

    hun wo be-KHud ki ye hai nala-e-sozan pe guman

    shoala-e-atish-e-ruKHsar chale aate hain

    chahiye shor-e-qayamat pae-tazim uTThe

    aap ke aashiq-e-raftar chale aate hain

    shor sunte hain jo hum chaak-garebanon ka

    band khole sar-e-bazar chale aate hain

    har taraf hashr mein jhankar hai zanjiron ki

    un ki zulfon ke giraftar chale aate hain

    chal gai tegh-e-nigah aaj 'tashshuq' pe zarur

    log us kucha se KHun-bar chale aate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites