apni had tak aa pahunche ab hijri daur ko laen

apnī had tak aa pahuñche ab hijrī daur ko laa.eñ

'ahd-e-nau kā ye hai taqāzā ḳhud ko ham dohrā.eñ

kaun sī ye manzil hai muḌ kar dekheñ pathrā jaa.eñ

aage baḌheñ kuchh aur to jangal āseboñ kā paa.eñ

ek hī jaise sab ke chehre ek hī jaisā haal

kis kī zarūrat hai duniyā ko kis ko bachā kar laa.eñ

apnī fitrat kaise badlī kaise guzārī 'umr

jaane vaale kam se kam itnā to batāte jaa.eñ

tiir chaleñ barfīle kam ho sūraj kā jab taap

din jab chhoTe hone lageñ to rāteñ baḌhtī jaa.eñ

apni had tak aa pahunche ab hijri daur ko laen

'ahd-e-nau ka ye hai taqaza KHud ko hum dohraen

kaun si ye manzil hai muD kar dekhen pathra jaen

aage baDhen kuchh aur to jangal aasebon ka paen

ek hi jaise sab ke chehre ek hi jaisa haal

kis ki zarurat hai duniya ko kis ko bacha kar laen

apni fitrat kaise badli kaise guzari 'umr

jaane wale kam se kam itna to batate jaen

tir chalen barfile kam ho suraj ka jab tap

din jab chhoTe hone lagen to raaten baDhti jaen