اپنی حد تک آ پہنچے اب حجری دور کو لائیں

اپنی حد تک آ پہنچے اب حجری دور کو لائیں

عہد نو کا یہ ہے تقاضا خود کو ہم دہرائیں

کون سی یہ منزل ہے مڑ کر دیکھیں پتھرا جائیں

آگے بڑھیں کچھ اور تو جنگل آسیبوں کا پائیں

ایک ہی جیسے سب کے چہرے ایک ہی جیسا حال

کس کی ضرورت ہے دنیا کو کس کو بچا کر لائیں

اپنی فطرت کیسے بدلی کیسے گزاری عمر

جانے والے کم سے کم اتنا تو بتاتے جائیں

تیر چلیں برفیلے کم ہو سورج کا جب تاپ

دن جب چھوٹے ہونے لگیں تو راتیں بڑھتی جائیں