apni hasti ka mujhko idrak hua

apnī hastī kā mujh ko idrāk huā

dhokā khā kar maiñ bhī kuchh chālāk huā

koī mujh ko marne se kab rok sakā

vaqt mirā aaya aur qissa paak huā

qaid rahā maiñ kuchh aisā apne ghar meñ

bhiiḌ meñ bhī tanhā.ī kā idrāk huā

maiñ to purānī qadroñ kā thā parvarda

lekin rafta-rafta yuuñ bebāk huā

koī kab pursān-e-hāl kisī kā huā

qissa-e-dard ko sun kar maiñ namnāk huā

kaun kisī kā kab suntā hai ai 'rizvāñ'

qissa-e-dard sunā kar maiñ nam-nāk huā

apni hasti ka mujh ko idrak hua

dhoka kha kar main bhi kuchh chaalak hua

koi mujh ko marne se kab rok saka

waqt mera aaya aur qissa pak hua

qaid raha main kuchh aisa apne ghar mein

bhiD mein bhi tanhai ka idrak hua

main to purani qadron ka tha parwarda

lekin rafta-rafta yun bebak hua

koi kab pursan-e-haal kisi ka hua

qissa-e-dard ko sun kar main namnak hua

kaun kisi ka kab sunta hai ai 'rizwan'

qissa-e-dard suna kar main nam-nak hua